Sdang sa ka U-15 ka Subroto Cup ka East Jaiñtia Hills

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa ar ynne deiwa sdang sa ki yalehke U-15 Boys san tylli.

Ka Musniang Secondary School da rem ko ha ka Wapung Higher Secondary School da 4-3 deiwa yachut Tie-Breaker hadien wym em wa yoh u thap kool.

Ka Lotus Secondary School da jop ko ya ka Lumshyrmit UP School da 3-0 lyngba ki kool wa thap u Thikbha Lyngdoh ha ka minit wa 21 wa 25 wa u Shanbor Dkhar ha ka minit wa 59.

Ka Little Star Secondary School da rem ko ha ka Sham Sham Secondary School da 2-1. Ya ka Sham Sham da thap kool da u Postme Dkhar ha ka minit wa 12 wa 37 katwa ya ka Little Star da thap da u Bankitbok Bareh ha ka minit wa 30+1.

Related posts

Psiah Final sa ka Ummulong ha ka District Cricket League

May 17, 2025

Sdang ka Inter Dong Football Tournament ka Wahiajer Sport Club

May 16, 2025

Ka Byndihati Secondary School da jop ko ya ka Rymbai Government School da 3-0 da ki kool wa thap u Faisal Sympli ha ka minit wa 7, u Mathew Nongtdu ha ka minit wa 48 wa u Jason Lapasam ha ka minit wa 60.

Ka Khliehriat Presbyterian HS School da jop ko da 7-1 ya ka Divine Word Secondary School da ki kool wa thap u Highbornson Muksor ha ka minit wa 23,36,47 wa 49, u Arki Langstang ha ka minit wa 43 wa 53 wa u Heinidame Talang ha ka minit wa 45 katwa ya ka Divine Word da yoh ko da ka kool wa thap bakla da u Josaia Lamare ha ka minit wa 20.