Da pteiñ ya ka Suborto Cup ka East Jaiñtia da san tylli ki yalehke U-17

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa le ynne wei da pteiñ biang da ki yalehke ki U-17 Boys’ hadien wa sdang ya ki yalehke U-15 Boys’ ynnin.

Ka Wapung HS School da jop ko ya ka Rymbai Pohskur Secondary School da 2-0 da ki kool wa thap u Promi Tariang ha ka minit wa 25 wa u Vishal Nongpluh ha ka minit wa 29.

Ka Little Star SS da jop ko ya ka Latyrke Secondary School da 3-0 da ki kool wa thap da u Mihsalan Suiam ha ka minit wa 8 wa 10 wa u Salangki Chyrmang ha ka minit wa 50.

Ka Lotus Secondary School da jop ko ya ka Khliehriat Presbyterian HS School da 2-0 da ki kool wa thap u Rimon Lyngdoh ha ka minit wa 13 wa u Timing Lyngdoh ha ka minit wa 28.

Related posts

Da 13-1 jop ka Lumphyrnai Sohphoh ha ka yalehke Super Division ka TSA

September 6, 2025

Jop ka Mookaswan Dongnein wa Lumchyrmang Mihmyntdu ha ka 3rd Division ka WJDSA

September 6, 2025

Ka Byndihati Secondary School da jop ko ya ka Seiñ Raij Jalaphet Secondary School da 3-0 da ki kool wa thap u Firstwell Marwein ha ka minit wa 42 wa u Luckystar Lapasam ha ka minit wa 46 wa 51.

Ka Sutnga Presbyterian HS School da jop ko ya ka Step By Step da 3-2 deiwa yachut Tie-Breaker hadien wa kut ka yalehke da 1-1 deiwa thap u Baniakyrshan Rymbai ya ka Step By Step ha ka minit wa 8 katwa ya ka Sutnga da thap da u Obalajied Sutnga ha ka minit wa 25.