Ka National People Youth Front (NPYF) da dawa ko na u Symbood Montri Rangbah wa pait ya ka chnat Kaam Pohyung (Police), u Prestone Tynsong wow pynchitom ya ki pulit ka Dawki Police Station, kiwa da emkti wow pynchu da u ksaw yow phah dait ya uwi u bru wei ym du ini, da dat da bom ya oo hadooh wa da mynsoo u du neidaw wa suba toh u nong Bangladesh.
Kam wow pynkynmoo wa uni u bru wa tip kam u Solin Suting da pynbaad u wa da chah dat u wot hadien wa da dep pynyoo u ya u Adhaar wa EPIC wa oo toh uwa chong chnong ka Pyrdiwah tangwa ki pulit da pteiñ ki wow pynchitom oo.
Hawa klam wa kiwa thoh khubor, u Kitborlang Nongrem uwa man u President ka NPYF, da beiñ joor u yeini i leh ki pulit du neidaw wa suba donhi.
Da khana u wa hawa yaklam wa u Prestone, da kular u wow phah ya u SP ka West Jaiñtia hills wow takit yow chem yeiwa sakhiat wei wow pynchitom ya kitu ki pulit kiwa emkti.
Puræ leh: Pynche ki pulit yei chah pynbaad wa phah dait da u ksaw ya uwi u bru ha Dawki Police Station
Discussion about this post