Ki chipai ka Indo-Tibetan Border Police (ITBP) ynne da ye ki wow sai ya i metyap u Paraglider uwa na USA uwa da sahkut ha u loom wa em 14,800 Feet ha Himachal Pradesh hadien wa kynthiar Parachute (Base Jumping) u.
Ya uni u Paraglider da tip kam u Bockstahler Trevor uwa 31 snem heiwa da wiar u ha ki loom ha Lahaul wa Spiti ka jylla Himachal Pradesh ha ka tayaaw wa dadep.
Neiliang ki pulit ka ITBP da ye ki u pynhiar ya i metyap u na ki loom moo wa chariñ hadien kamwa 48 kynta i yaleh wei da hap ki wow ku chwa nyngkong 19,000 ft yow ye u hiar cha ini i thaw wa em i metyap.
Neiliang ka ITBP da ong ko wa i metyap u Bockstahler Trevor uwa da wiar najan Kazaha Lahoul & Spiti, da ye u pynhiar na u loom wa jrong 14,800 feet.
Ya i metyap uni u nong America da rah cha Kaza Police Station iwa da chem ha ka 16 tarik uni u bnai wei da antaad wa da wiar u nadooh ka 13 tarik wei da yoo ki bru oo wa uiñ u samen samen ha ka Spiti Valley.
Da chem ya oo hadien wa pynemkaam da u Drone ka Indian Army heiwa da yoo nyngkong ya ka Parachute u kawa da sahkut ha chrooh u loom.
Discussion about this post