Ka TATA Motors kawa man kawi na ki karkhana pynmih kari wa heh dooh ha India, da pynbna ko wa daw pynku dor ko ya ki kari kamai (Commercial Vehicle) ko da 2% nadooh ka chi tarik u Naiynñiaw 2024 neidaw wa da ku dor ki mar ki mata.
Ini i ku dor toh du neibynta ki kari kamai donhi wei chong i leh ha ki jait kari, da pyntip ka TATA Motors.
Kini ki kari wa daw chah ktah na ini i pynku dor toh ki Bus, ki Truck wa kiwi ki jait kari wa pynemkaam yow kamai.
Katkam ka yukheiñ wa pynmih da ka TATA da dai ki 29,691 tylli ki kari kamai ha u Naisan 2024 iwa ku da 2% ha u jooh u bnai yong u snem wa dadep.
Na kini da em 12,402 tylli kiwa man kam ki Heavy Commercial Vehicles (HCV) iwa da hiar da 3% katwa ki Intermediate Light Medium Commercial Vehicle (ILMCV) da ku da 30% deiwa dai 4,478 tylli ha u Naisan 2024 hawa nujor wa u Naisan 2023 heiwa da dai 3450 tylli.
Discussion about this post