I pynemkaam da ki Tiffin Box yarap ko wow pynsmat yei saam ja ha ki skur ka Meghalaya

Ka PM POSHAN Scheme kawa jooh tip kam ka Mid-Day Meal Scheme toh kawa e ja sngi ya ki khynnah skur kawa da kyrchaan da ka sorkar India da i thmu wow e baam da iwa tei yei doh i pran ki khynnah.

Hapoh kani ka Scheme da pynbiang leh ki pliang ja yow e ja tangwa chah hi leh wow wanrah da ki Tiffin Box na yung heithaw wow baam ha ki pliang ja wa da e da ki skur.

Kamtæ ha Meghalaya da pynmyllien wow pynemkaam da ki Tiffin Box ha kiwa boon ki skur iwa da yarap wow pynsmat yei rukom saam baam heiwa ki khynnah manda wan skur ki hei step da lai e ki cha kiwa chet kiwa leh won yei kaam wow pynbiang yei baam khlem da hap de wow yang ki khynnah manda toh i por baam.

Katkam ki kyndon ka sorkar India, toh u e 100 gram u khoo neibynta uwi u khynnah Primary wa 150 gram neibynta uwi u khynnah Upper Primary deilang wa ki jhoor wa kiwi de ki jait baam.

Related posts

Hadien wa yap ki ar ngut nei haap moo, khang ka sorkar ya u sarok hadooh wa pynbna da kamwi

April 21, 2026

Ku cha 21 ngut kiwa yap wei mynsoo 61 ngut nei haap ka Bus ha Udhampur

April 21, 2026

Deiwa pynemkaam da ki Tiffin Box da pynlait leh nei pynlut um yow sait wei da pynduna leh yei chimpor wow saam ja cha ki khynnah kamjooh pyntikna ko wa waroh yoh ki i jooh i bhah wei ki khynnah ye ki wow rah ya ki Tiffin ki cha yung manda dep ki u baam.

Neiliang ka DSEL da pynchlur ko leh ya kiwi ki skur hapoh ka jylla wow bood yeini yow lait u sepai i por wei heijooh i por leh yow pynsmat wei pynmiat yei rukom pynkrehkaam ya kani ka Scheme.