U MP ka Rajya Sabha, u Dr. WR Kharlukhi ynne da ujor u pyrchah ya uwi u YouTube Channel yong ki bru samen uwa da pynbaad wa pynemkaam bakla u ya ka Member of Parliament Local Area Development Scheme (MPLADS).
Hawa yaklam wa kiwa thoh khubor, da ong u wa oo hun u wow chah takit wei u ieh u yei kaam kam u MP lada chem wa pynmkaam bakla næ baam tooh u ya ka MP Scheme u. Da ong u leh wa ini i pynbaad toh neidaw wa da jan chong-ngiah u na ki kaam seiñ hima sima.
U Dr. Kharlukhi da pynche u wa ka MP Scheme da yoh u neibynta u snem 2022-2023 du hadien wa kut ka khlam COVID-19 wei chwa ini ym em yoh bhah u. Ha ini i por da tyrwa u ki Scheme cha ki DC kiwa phah won cha ki BDO yow e yarap cha kiwa toh u yoh myntoi wa kynthup nadooh ki dorbar chnong wa ki seiñ.
Tangwa ini waroh da kylla i ha u snem 2023-2024 heiwa heithaw ka Rural Development Department wa em ha Delhi, ka Parliament da phah bait ko ya ka poisa cha ki heh District wa cha ki BDO.
U MP da ban joor u wa da leh u deiwa khooid nadooh wa sdang wei da pynemkaam deiwa miat ya ka Rs. 5 klur hapoh ka MP Scheme yong u snem 2022-2023. Heiyatoh won wa u snem 2024, ka poisa dang ini dapoi ko cha kiwa yoh myntoi wei i slem toh neidaw wa em Lok Sabha Election.
Discussion about this post