Da pyndep ya ki Final ka Subroto Cup ka East Jaiñtia Hills

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wakut ynne deiwa pyndep ya ki yakhun Final ki U-15 Boys, U-17 Boys wa U-15 Girls.

Da wan wow pynhaap pyrda ya kani ka lympung yalehbol da ka Almo Parisha Syiem, District School Education Officer, I/c Khliehriat kam ka kongsan, u Eugeneson Lyngdoh kam u uwa chah khut kyrpang deiwa emlang u Assistant Commissioner, u Shiv Malviya, IAS, u S. Paslein, DSP East Jaiñtia Hills, u Dr. P. Nongtdu, Principal ka Jaiñtia Eastern College, kiwa sikai deilang waka DSO ka East Jaiñtia Hills, ka Stephanie Rapsang.

Ha ka U-17 Girls, yei naam Champion da yoh ka Lotus Secondary School Dienchynrum deiwa pynrem ya ka Dkhiah East Secondary School da 8-0 da ki kool wa thap da ka Saphapaya Lyngdoh ha ka minit wa 4, 10 wa 24, ka Risaka Phawa ha ka minit wa 14, 15 wa 19, ka Alisha Lyngdoh ha ka minit wa 26 waka Diwakapaya Dkhar haka minit wa 20.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka U-15 Boys da yoh yei naam Champion da ka Khliehriat Presbyterian HS School deiwa jop ya ka Step By Step Secondary School da 1-0 da ka kool wa thap u Arki Langstang ha ka minit wa 47.

Ha ka U-17 Boys, da rah yei naam Champion da ka Lotus Secondary School Deinchynrum deiwa jop ya ka Wapung Higher Secondary School da 2-0 da ki kool wa thap u Shemphang Ksih ha ka minit wa 23 wa u Timing Lyngdoh ha ka minit wa 40.