Jop u Wanbok wa ka Marqueenless ya ka Shillong 10K Run 2024

U Wanbok L Mawphlang da jop u ya ki chynrang katwa ka Marqueenless Ramsiej won da jop ko ya ki kynthai ha ka 5th Shillong 10K Run, wa pynman da ka Meghalaya State Olympic Association, ynne i step ha Shillong.

Kani man ko kam chibynta ka International Olympic Day kawa haap ha ka 23 tarik uni u bnai yow pynkynmoo warom ya ka sngi wa seiñ ya ka International Olympic Committee ha u snem 1894.

I yaphet wa jrong 10 km da pynman ha kylleiñ ka ri wei ha Shillong leh da pynman i jooh deiwa em da ki spah ngut kiwa chimbynta nadooh ki khynnah hadooh kiwa da heh rta.

U Wanbok da yoh nyngkong u deiwa bood u ryngkhi u Iwelljohn Ramsiej hei wa ar wa u Sainkupar Jyrwa hei wa le. 

Related posts

District Cricket League: Jop ka Evergreen Mukhla Mission ya ka Moodymmai

May 8, 2025

Yoh ka Meghalaya yei naam Champion ha ka ka All India Traditional Wrestling & Pankration Federation Cup

May 8, 2025

Ka Marqueenless kawa yoh hei wa le ynnin u snem, ha uni u snem da yoh nyngong ko deiwa yoh wa ar ka Balasiewdor Pathaw katwa ka Ivanjilin Khongwir won hei wa le. 

Ha ka kyrdan 50-Plus ki chynrang, u Badon Tham da jop biang u kamwa leh u ynni u snem, hei wa ar da wan u Swonding Mawlong katwa hei wa le da wan u Laurence Pariong. Ha kani hi ka jooh ka rta neibynta ki kynthai da jop da ka Ralinda Marbaniang wei da pynbood da ka Smarless Marwein hei wa ar wa ka Ibameri Shullai hei wa le. Ka Kmoin Wahlang kawa da tam 70 snem i rta da wan ko hei wa soo. 

Ya kani ka yaphet da kaweh lama da u Assistant Director ka chnat Sports and Youth Affairs, u Paia B War Nongbri, deiwa ya emlang u MSOA General Secretary, u Finely L Pariat wa kiwi de ki heh ka MSOA. 

Yei phet da sdang nadooh na ka Gate ka Polo Ground Complex deiwa lai lyngba ka 4th Furlong, BK Bajoria School, PGT College, Shillong Commerce College, Don Bosco Square, Laitumkhrah Police Point, Laitumkhrah Police Beat House, Fire Brigade, Dhankheti, Barik Point, Civil Hospital, State Central Library, Meghalaya Secretariat, Deputy Commissioner’s Office, Governor’s House, Ward’s Lake, na i thaw sah u Chief Minister deiwa pynkut biang ha Polo.

Ya kiwa yoh nyngkong, wa ar wa kiwa yoh wa le da e da ka song poisa kawa Rs. 5,000, Rs. 3,000 wa Rs. 2,000. Da em leh ki Consolation Prize cha kiwa poi hei wa soo hadooh wa ynru wei da e khusnaam kyrpang leh ya kitu kiwa da heh rta. 

Waroh kiwa chimbynta ye ki wow yoh ya ka Participation Certificate lyngba ka MSOA Website deiwa lai ha https://meghalayaolympicassociation.com/ hadien chi tayaaw.