Heiyatoh wa iwa jia wa da pynbaad wa da psiah yabor ki chipai Border Security Force (BSF) ha i yung yong ka Martina Pohshna wa u Shanroi Lyngdoh Lyngkhoi iwa em ha chong Kuliang Elaka Narpuh, neiliang ka FKJGP East Jaiñtia Hills da phah ko ya ka khubor wow beiñ joor ya ki BSF kiwa toh u pait yei chongsuk chongsaaiñ hapoh ka thaaiñ tangwa da man ki kiwa da pynmih yei awri awra dei langær wa kiwa chong chnong yong kani ka thaaiñ.
U President wa u General Secretary ka seiñ, u Deihok Sumer wa u Emlang Sutnga da beiñ joor ki yei tba kti ki BSF ya ka khynnah kynthai kawa dang 15 snem kamjooh ya ka manbei yong katai ka yung heiwa ini i leh ki BSF toh i wym ye u pdiang wei toh u pynchitom katkam ka aiñ neibynta i hok manbru longbru.
Ka seiñ da e khublei kyrpang ko yei chimkhia ka chnat pulit lyngba ka Umkiang Patrol Police Out Post wei da kyntu leh ya u Giri Prasad kam u Superintendent of Police (SP) yong ka District wow chimkhia u yeini khnang wow yoh katai ka manyung yei bichaar wa hok wei kamjooh wow e yada nei chah thombor ha ki BSF heiwa u pynthikna wa ka aiñ toh u leh ko salonsor la ya kiwa em hei bor yong ka aiñ leh kamjooh, pynkut ka kyrwoh khubor na ka seiñ.
Discussion about this post