Ka District Level Inter School Subroto Mukherjee Cup Football Tournament 2024 ka West Jaiñtia Hills dapoi ko cha wakut ynne ka sngi deiwa pynman ya ki Final ka U-15 Boys, U-17 Boys wa U-15 Girls.
Ka yalehke da sdang da ka U-17 Girls kawa da pynman hapyrdi ka Kiang Nangbah Govt. Higher Secondary School, Jowai waka North Liberty Higher Secondary School, Jowai heiwa da jop suk da ka North Liberty da 7-0 da ki kool wa thap ka Deigratia Dan ha ka minit wa 9, 44 wa 48, ka Peacful Pohplet ha ka minit wa 25, ka Alisha Pyrtuh ha ka minit wa 48 waka Eiladki Ksoo ha ka minit wa 56.
Ha ka U-15 Boys kawa da pynman hapyrdi ka Dominic English UP School, Namdong-A waka St. Dominic Higher Secondary School, Mowkyndeng da jop da ka Dominic English UP School da 1-0 da ka kool wa thap u Aibor Wahlang ha ka minit wa 7.
Ha ka U-17 Boys kawa da pynman hapyrdi ka North Liberty Higher Secondary School, Jowai waka Government Boys Higher Secondary School, Jowai da jop ka North Liberty da 2-0 da ki kool wa thap da u Jinial Rasmut ha ka minit wa 8 wa u Rio Marboh ha ka minit wa 39.
Ya kani ka sngi pynkut da wan wow pynhaap pyrda ya ka da u MLA ka Jowai, u Wailadmiki Shylla kam u kongsan deiwa emlang u DSO ka West Jaiñtia Hills, u Khroobok Passah, ki dkhot ka West Jaiñtia District Sports Association (WJDSA), kiwa sikai skur, ki khynnah skur deilang wa kiwa chah khut sñiawbha.
U Wailad kamwa da dep kular u ini wa dep, da pynkynmoo u wa daw e yarap u chi lak tangka cha kawon kawon ka skur kawa napoh ka District kawa yoh wow mihkhmat ya ka jylla.
Discussion about this post