Krehlang ki khynnah wa ki waheh u pynkhreh ya ki rong ki rup ka Behdieñkhlam

Katwa dang jan ki sngi ka lehniam Behdieñkhlam ka Raij Jowai, da yoh wow sakhi ya iwi wa da ya chimbynta yong lang da ki khon ka Raij wow pynkhreh ki wow pynriam pynbait ya ki rong ki rup ya kiwa daw rah ha ka sngi Muchai ka 3 tarik cha Aitnar.

Ki rong ki rup man ki chibynta wow pynphooh ya ka lehniam Behdieñkhlam heiwa u rah ki ya ki Wyrta neibynta i bha i miat ha ka imlang sahlang wa ka chnong ka thaw.

Ha ini waroh da wan wow chimbynta da ki waheh kamjooh ki khynnah wow ya krehlang deiwa ya khleh rong, wow ah u biah ha ki rot kamjooh i chna ya ki syntu wow booh ha kyndit yong ki rot.

Ya ki rot da sdang wow chna nadooh ki 6-7 sngi wa dadep wei boon u pyndep u pynriam ya ki waroh myntu ka sngi.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024