Jowai : U Member of Parliament (MP), ka Lok Sabha na Shillong u ma Vincent. H. Pala, da wan wai u ya ka khnap Thangbru (Crematorium), ha ka chnong Khonchnong, West Jaiñtia Hills District ha ka 21 tarik uni u bnai hei emlang u ma Robinus Syngkong MLA ka Mookaiaw, u ma Comingone Ymbon MLA Shangpung, ki MDC wa kiwi kiwi.
Ya ka yalang da pyllai da u Doloi ka Elaka Raliang u C. Lyngdoh, heiwa da yoh yei klam pdiang burom na u Waheh Chnong u P. Pasah, da yoh yei klam na u ma O.R. Challam President Seiñ Raij Jowai, u ma J.M Pohsngap DFO (T), wa kiwi kiwi.
Ya kani ka Eco-Friendly Crematorium næ ka Khnap Thang Bru da chna hei lut wa kamwa T. 25 lak.
Neiliang, u kongsan u ma Pala da pynsñiaw u yei mynsien wa kmen wow emlang hei wow wai ya kani ka khnap. Heijooh i por da ong u wa emkaam u sumaar ya kani ka thaw kawa da chna pynwandur da u woh Cambel Shullai.
Ha kani ka sngi da yoh yei rwai pdiang burom na ka seiñ manbei, i chaad pliang wa kiwi kiwi.
Discussion about this post