Da pyndep ya ka Tyngkheiñ Duwan ha Yung Langdoh hadien ka Behdieñkhlam

Ka lehniam Behdieñkhlam ka Raij Jowai wa da tip leh ya ka kam ka lehniam Soo Sngi Le Yaaw heiwa ha uni u snem da sdang ka lehniam nadooh ka 30 tarik wei da pynkut ya ka ynnin ka 3 tarik.

Ha kini ki sngi da sakhi kiwa chakri niam hapoh ka Raij nadooh u Dolloi, u Pator, u Langdoh, ka Langdoh, ki Sangot, ki Maji, ki Wasan wa kiwi da hap pyndep ki ya ki lehniam wa boonjait katkam ki sarin yong ka Behdieñkhlam neibynta i bha i miat ka Raij waroh kawi.

Ynne dang step ha Yung Langdoh ki khynroo na Loomkyrwiang chirup wa kiwa chakri niam da poi ki cha Yung Langdoh wow pynkhooid ya i dwar i pchem kani ka yung wa kyntang.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026

Hadien ini da thang ya ki dakha, ki ktung wow pynkhreh ya ka Tyngkheiñ Duwan namo ka Tyngkheiñ Snem heiwa kiwa kitkaam niam yoh ki u ngooh u dem neibynta yong ki hi hadien wa da pyndep ya ka Behdieñkhlam.

Hawa yaklam wa u Dolloi ka Elaka, u Puramon Kynjing da ong u wa kani ka Tyngkheiñ Duwan namo ka Tyngkheiñ Snem toh wow sñiawngooh wa da ye u pyndep ya ki lehniam yong ka Behdieñkhlam wei kam ka dak wow yoh u e ngooh neibynta kiwa chakri niam wow dang yoh bor ki wow chakri sam chaphrang.