Da ka ILP Check Gate pynyieñ syndet ka KSU ha u NH-6

Kiwa yahkhmat ka Khasi Students’ Union (KSU) seiñbei wa na North Khasi Hills District da pynyieñ syndet ki da ka ILP Check Gate yong ki hi ynne ka sngi, wei kani ka khyrdop toh yow pait sylli ya ki kot ki sla yong ki baar jylla.

Ini i hap wow booh hi da ka KSU ya katai ka khyrdop, toh deiwa ong wym chimkhia ka sorkar jylla wei kamjooh ka sorkar India wow pynyoh ya ka Inner Line Permit (ILP), ya kawa ka jylla dadep ko wow mynjur leh hapoh ka Yung Dorbar Chna Aiñ wow dawa pynkrehkaam wei kamjooh ya ka MRSSA.

Ya kani ka ILP Check Gate yong ka KSU da pynyieñ ha sarokbah NH-6 hapoh Ri-Bhoi District, ha ka chnong 20 Mer, Pahammawleiñ hachwa wow poi ka Toll Gate yong ka NHAI.

Hadien wa tip yeini i lai booh ILP Check Gate yong ka KSU, neiliang ki pulit wa ki bor pynlai District da lai hiar ki cha katai ka thaw wow yaklam wei wow phah pynsangeh yei kynreh ya ki kot ki sla.

Related posts

Deiwa chrai ya ka kurim noh chynnam uwa yah ya ka kari chapoh lyngkha

November 24, 2024

Pynskem ka WJSU ya ka Satpator Sub Circle ka wow pait ya 5 tylli ki chnong

November 24, 2024