Jowai : I umngap na ka jylla Meghalaya khamtam napoh ri-loom Jaiñtia toh iwa miat bha wei katni da sdang mih i dawa ya ki na kylleiñ kylleiñ. Tangwa dang chem chitom wow pynmih ki chiboon yow ye ki u dai cha kiwa boon ki thaw.
Kamtæ ki bor district ka West Jaiñtia Hills da em i thmu wow kylla noh yeini heiwa wow pynkylla noh yei rukom song ya i umngap deiwa em pyrtuid (Branding) ym toh de deiwa dai ha ki klong Horlicks wa ki klong kiad. I umngap wa mih na ri-loom Jaiñtia leh man i iwa khooid wa paka i wym em khleh dawai kam wa pynmih da ki Company wa heh.
Yow poi cha kani ka thong daw sdang noh ya ka wi ka Honey Processing Plant ha i thaw wa em ka District Commerce & Industries Centre (DCIC) i wa ye waroh kiwa pynmih umgap wow li dai ki ha i tai i thaw wei i su cha kiwa pynmih umngap katkam boon i umngap wa wan rah ki kamjooh leh daw pait yei bha i umngap. Ya ini i umngap daw dai ya ki hei pyrtuid “Jaiñtia Honey” iwa man ha i jooh i rukom leh ka AMUL wa em ha Gujarat.
Ka West Jaiñtia Hills da chem ka District Basin Unit wa pynmih ko hadooh 9534 Kg i umngap chi snem wei lada kheiñlang wa ka East Jaiñtia da ye u poi hadooh 15,000 Kg chi snem.
Ya kiwa ri ngap da dep saam ya 1200 tylli ki ksiñ næ ki yung ngap wa kyrpang wei da boon leh da dep yoh ki ya ki sikai yow pynpliah yei kaam ri ngap ki.
Discussion about this post