Pynche ka Delimitation Committee ya i rukom kheiñ yei phiah Constituency ka JHADC

Ka Delimitation Committee ka JHADC kawa da thung yow phiah wei pynwandur ya ki Constituency ka Council, dadep pynman ko ya ki le tylli ki pynsñiaw paidbah (Public Hearing) heiwa ha ka 8 tarik da pynman ha Amlarem neibynta 3 tylli ki Constituency, ha ka 9 tarik ha Jowai neibynta ki 16 Constituency wa ynne ka 10 tarik ha Khliehriat neibynta ki 10 Constituency.

Kiwa kitkaam wa ki dkhot ka Committee kynthup ki ya u Chairman, u Dr. Dakyntuhimi Lyngdoh, Asst. Professor; heiwa u Member Secretary toh u Luckystar Ymbon katwa ki dkhot ka Committee kynthup ki ya u Markos Surong, u Kerlang Ksoo kiwa man ki muktiar wa u Pyrkhat Shylla, Waheh Chnong Mookyrdup.

Related posts

Psiah NPP ki dkhot ka UDP na Umroi, sah sa du u Secretary

May 30, 2026

Da wai ya ka Integrated Multipurpose Indoor Hall ha Shillong kawa da chna hei lut wa ₹132.9 klur

May 30, 2026

Heiyatoh wa i pyrchah wa i e buit ki paidbah ya i phiah Constituency dei klam dei ktien, neiliang u Dr. Dakyntuhimi da pyntip u wa ka Committe da thoh (Record) ya iwa ong ki wei daw chong bichaar won ya ki hadien.

Heiyatoh wa i chim ya ka Electoral Roll namo i em kiwa thap Vote kawa nadooh ynnu, neiliang u Luckystar Ymbon da pyntip u wa khaddooh da phiah ya ki Constituency toh ha u 2014 wei da chim neitæ kamjooh na ka Election MP wei hadien ini da ngam pyrkhat yillu ki yei boon Vote ki Constituency.