Nei chongchit kiad thmu slaitbor uwi ya ka khynnah ha Caroline Colony

Jowai : Ki pulit ka Jowai Police Station ynne ka sngi da kem ki ya u Ebor Dkhar uwa na Caroline Colony, Jowai .

Ya u Ebor da kem hadien wa da yoh ujor ki na u pa kawi ka khynnah kawa dang 11 snem i rta kawa na Caroline Colony.

Ha ka ujor da ong wa ynne ka 24 tarik heipor kamwa 9:00 waje i step u Ebor da khut u ya kani ka khynnah cha kamra yong oo wei da looid u ya ki sula ko deiwa thmu wow slaitbor ya kani ka khynnah tangwa da yoh ko u yut neini.

Heipor wa kem ki pulit ya u Ebor, da ong wa da muaaid kiad bha u wei da pynkit ya oo cha Civil Hospital wei da chem wa chwa wow leh u yeini i kaam u Ebor da dep u dih kiad khlem khleh um (Raw).