U Donald Trump uwa dang lai yalap Election yow yaleh biang u yow man kam u President ka USA da chah siat u ha 13 tarik heipor wa dang klam u ha ka yalang yalap Election wa da pynman ha Butler, Pennsylvania.
Ha ki Video wa da poor bha, da sñiaw yei kieh ka suloi kattu katni sien wei u Donald Trump da tba u yei chkoor u neiliang timun hadien wa toh salit u ha u kuli wei da rieh u chapoh deiwa wan leh ki bru wa synraan ya oo wow yada.
Ha ini i jia da em uwi u bru paidbah wa yap wa kiwi won kiwa da mynsoo.
U bru wa siat da tip kam u Thomas Matther Crooks (20 snem) uwa na Bethel Park, Pennsylvania uwa da ku na tnoom iwi i yung wa jngai kamwa 118 Metre na ka thaw wa klam u Trump.
Kamwa jooh leh ha kiwi ki thaw ha USA manda klam da ki bru kiwa jooh man kam ki President, da em ki Sniper yow pait lada em kiwa siat heiwa heini leh u Sniper wa yada ya u Trump da sait u ya u Thomas uwa da toh na khlieh wei da yap noh u. Ha iwi i Video wa da em wa yoh u riñ, da yoo wa kini ki Sniper da yoh ki u siat heijooh i por wa chah siat u Trump wei na itæ i daw da kieh boon sien bha i siat suloi.
Ini i thaw wa pynman yalang u Trump toh iwa ha lait iwa tip kam ka Butler Farm Show Grounds wei ym em boon ki yung ki sem wa kah wa kneiñ wei suk bha u thooh thaw siat, da pyntip ki pulit wei dang pynman ki yei takit lada em kiwi de kiwa ya krehlang.
Uwi won u bru da ong u wa da dep pyntip u cha ki pulit hadien wa yoo u ya uni u bru wa paar u hajrong ini i tnoom yung tangwa ym em ap ki pulit oo.
Discussion about this post