Pyrchah u MDC yei tympiah ya ka Mawlai Constituency hanla boon bru leh

U MDC ka Mawlai Constituency, u Teiborlang Pathaw da ong u wa u pyntikna u wa ka Mawroh daw em bait ko hapoh ka Mawlai Constituency, wot hadien wa ka Delimitation Committee da tyrwa ko wo rah noh ka cha Jaiaw.

Kam wow kdaw heini wa ha ka Report wa da e ka Delimitation Committee cha ka KHADC hawa yatoh wa i pynbait thymme ya ki MDC Constituency, da tyrwa ko wa boon tylli ki Constituency hap wow pynkylla wei wow kheiñ katkam i boon paaid wa i heh, wei ha kani ka Report, ya ka Mawroh kawa em hapoh Mawlai Constituency, da phah wow booh noh ka hapoh ka Jaiaw Constituency. Hadien wa liat paidbah kani ka Report, kiwa boon kiwa chong chnong ka Mawlai da yatai yaklam bha ki ha ki rynsan Social Media.

Neiliang u MDC da ong u wa ka Report yong ka Delimitation Committee ymtoh kawa da e yei rai wa khaddooh, tangwa iwa e yumut heiwa ka KHADC da rai ko wow e kti yow puræ bniah biang cha ka Select Committee wei hadien itæ daw rah biang hapoh ka dorbar yong ka Council.

U Teibor da ong chooh chooh u cha kiwa chong chnong ka Mawroh wa ka Mawlai waroh kawi, wa ka Mawroh ym chah sai ko na Mawlai, khamtam kiwa haap hapoh ka Mawlai Town Dorbar wei da pynrap wa kamwa da chimkhia nadooh wa sdang kattæ leh u chimkhia wow pyntikna wa toh u man kamwa jooh man tangwa du neidaw wa boon Vote ym ye wow tympiah tympra ya ka Mawlai.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hawa yatoh wa ka Mawpat, u MDC ka Mawlai da ong u wa toh i kyrpaad ka chnong Mawpat kiwa kwah wow lai noh cha Pynthor wei kam uwa mihkhmat burom yeitæ.