Chi lak tangka e yarap u Sanbor cha ka Kmoin Wahlang kawa daw lai chimbynta ha ki yakob ha Australia

U MLA ka South Shillong Constituency, u Sanbor Shullai da pyn-eh-daw wei da pynkup burom u ya ka Kmoin Wahlang kawa la 76 snem i rta kawa daw lai mihkhmat ya ka ri India cha ka yakob phet wa daw pynman ha ri Australia kawa tip kam ka Pan Pacific Master Games 2024.

Ini i pynkup burom man ko leh kam chibynta wow e mynsien ya ka yow yoh ko yei jop neibynta ka naam ka burom ya ka ri wa ya ka jylla Meghalaya.

Neiliang u Sanbor da e yarap u leh da ka song pisa wa Rs. 1 lak neibynta iwa emkaam ko wei da e u Rs. 30,000 cha u Biningstar Lyngkhoi uwa man kam u Coach yow yoh ki dei jop.

“Ka men Kmoin da em ko 76 snem, 16 ngut ki khon wei kiwa dang em katni 12 ngut wa 54 ngut ki ksu. I lut wa joor kamwa 2 lak tangka tam wei daw mihkhmat ko ya waroh ka jylla, ya ka kur ka jait, ka yung ka sem yong i”, da ong u Sanbor.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ka men Kmoin toh kawa na chnong Sngimawlein, kawa em ha thaaiñ Mawkyrwat, South West Khasi Hills.

“Ye wow ong boi kammon u Sanbor lai e yarap u cha kawi ka Constitueny, nga sñiawngooh O ya ki paidbah ka South Shillong Constituency, nga toh u MLA ka South Shillong tangwa nga toh u MLA ka Meghalaya neibhah MLA mut Member of Legislative Assembly iwa mut ya ka jylla”, da ong u Sanbor.

Da ong u wa ka yung yong oo da sikai ko wow yarap ya ki para bru, ymphær lada toh na kawon ka thaw hanla na baar Constituency.

“Ka rukom krehkaam yong nga, da sikai ha yung wa lada toh uwa na ka Constituency næ u para chnong næ uwa ha-yung ha-sem næ uwa na baar Constituency leh, u yarap bait wei na itæ i daw katwa kiwa wan ha yung yong nga, lada toh uwa na baar næ hapoh Constituency ym jooh pynlait thylli, nga yarap bait O”, da ong u Sanbor.