U SP ka East Jaiñtia Hills da pyntip u wa da yoh wow kem sa uwi u bru heiyatoh wa i kaam tynyap ya ki soo ngut ki bru heiwa yei metyap yong ki da chem hajan ka yaaw Umpleng ha ka 6 tarik uni u bnai.
Wa uni kattu kiwa chah kem da em ki waroh soo ngut heiwa uwa nyngkong da yoh kem ha ka 11 tarik wei hadien ar ngut won ha ka 15 tarik uni u bnai.
Uwa dang chah kem da yoh wow kem oo ynnin i miet ka 19 tarik.
Chooh chooh da pyntip wa da em wa wan kam yei metyap uwa dang sah heiwa da wan da ka bei u, ka Phulmaya Tamang wei uni da tip kam u Lobe Tamang uwa na chnong Moolait Bri-Sutnga.
Kam wow pynknymoo wa kiwi kiwa da tipmit na kiwa yap toh u Ravi Rai (23 snem), u khon ka Devi Rai kawa na Elam, Mechipradesh, Nepal, u Nazar Kyndait (33 snem), u khon ka Thilda Kyndait kawa na Dkhiah East, East Jaiñtia Hills wa u Rajesh Rai (26 snem), u khon ka Maini Kumar Rai kawa na Dharan Sunsari, Koshi Anchal, Nepal.
Yei pyrtuid kiwa chah kem ym pu em khana ki pulit neidaw wa dang thooh ya kiwi de kiwa emkti ha ini i kaam.
Discussion about this post