Yap u khynnah wa dang 9 snem uwa leh kyndeh u pasi yow chna Reel

Uwi u khynnah wa dang 9 snem da dooh u yei mynsien u hawa chna Reel iwa da jia ha Morena, Madhya Pradesh.

Ini da jia i ha lait yung wa sah uni u khynnah heiwa da kdoh tylle u ya idæ na rdang uwa da wah ha uwi u dieñ wei da yieñ u ha i kynroh wa khian wa em ha tre uni u dieñ tangwa da haap ki kjat u cha rood ini i kynroh hadooh wa chah ksih u rdang u ha uni u tylle.

Ki lok wa riñ yei Video mut ki jan wa lehke donhi u wot hawa kaweh u ya ki yei kti u yow paan yarap tangwa da tip ki wa da em iwa lait du hadien wa yap u.

Katkam ka khubor wa da yoh, uni u khynnah toh uwa ka’it wow chna Video wei da em ki por wa riñ Video da ki lok u.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Ki pulit hawa wan ki da kem ki ya kani ka Mobile Phone heiwa da ye ki u pyntikna yeiwa jia.

Katkam wa mih ha ini i Video, da em kamwa 4 ngut ki khynnah deilang wa uwa yap heiwa uwi toh uwa riñ Video katwa ar ngut won da phet ki cha wah cha neiñ khlem da tip yeiwa jia tangwa manda haap ki kti uni u khynnah wa pasi cha wah, da sñiaw ya uwi u khynnah uwa da ong wow pynlait ya uni uwa da chah pasi.