Ym hun wei ym ngait ya ka Post-Mortem Report wa pasi, dawa da ka Magisterial Enquiry

Ki seiñbhalang waphær waphær yong ka Ri-loom Garo kiwa kynthup ya ka FKJGP, GSU, ADE, AYWO wa FAF da dawa ki da ka Magisterial Enquiry yow phah takit hajrong i khlaad kawi kynthai kawa tip kam ka Diana Ch Marak ha Girls’ Hostel yong ka Shillong Polytechnic.

Kam wow kdaw heini wa hei step ka 6 tarik u Naisan 2024, da chem yei metyap kani ka bru deiwa pasi ha u tylle wei da suba wa kani ka kynthai da pynkut hi ko yei mynsien deiwa pasi ko ya idæ.

Ka Diana CH Marak toh kawa dang 24 snem i rta kawa na Babupara, Tura West Garo Hills District kawa lai puræ ha Shillong Polytechnic, Mawlai ha ka kyrdan 4th Semester Civil Engineering.

U President ka FKJGP Garo Hills Zone, u Pritam Arengh da ong u wa i dawa wow takit da ka Magisterial Enquiry toh hadien wa kiwa ha-yung ha-sem ym hun ki ya ka Report ka Post-Mortem, khamtam lada yap mynsoo ka kynthai da emkaam wow leh ya ka Histopathology, tangwa ki Doctor kiwa leh ya ka Post-Mortem ym em leh ki yeini heiwa da pynartatien ya katai ka Report.

Related posts

Wai u Modi ya ka luti rel wa ka yingkieñ wa jrong dooh hei dor wa Rs. 43,780 klur

June 7, 2025

Yachem ka BJP Mahila Morcha ya ka heh ka NCW heiyatoh wa iwa jia ha MCH Hospital, Jowai

June 7, 2025

Da ong u wa hadien wa da yoh ya ka ujor na kiwa ha-yung wei hadien wa da yoo ya ki dur, da pynartatien ya ini waroh neibhah wa em ki dak mynsoo hei doh i pran ko hanla ka Post-Mortem da ong ko wa i yap toh deiwa sdien pasi.