Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa ynñiaw ynne deiwa pynman biang soo tylli ki yalehke.
Ha ka yalehke wa nyngkong, ka Lumkhangdong Kyndong Tuber da jop ko ya ka Pateinki Sabah da 1-0 da ka kool wa thap u Pynshaiburom Phawa ha ka minit wa 60.
Ka yalehke wa ar da kut ko da 1-1 hapyrdi ka Riatsaliya waka Chyrmang Wah heiwa ya ka Riatsaliya da thap da u Ishanroy Pde ha ka minit wa 35 katwa ya ka Chyrmang Wah da thap da u Niwan Syad ha ka minit wa 68.
Ha ka yalehke wa le, ka Lumchyrmang Mihmyntdu da jop ko ya ka Nangbah Pohchnong da 7-0 da ki kool wa thap u Dawansynshar Dkhar ha ka minit wa 6, u Sooki Chyrmang ha ka minit wa 18, u Embor Chyrmang ha ka minit wa 35+1 wa 48 wa ka Hat-Trick na u Pynshngain Kyndait uwa da thap ha ka minit wa 54, 57 wa 67.
Ha ka yalehke wa soo, ka Mookurdup da jop ko ya ka Mustem East da 1-0 da ka kool wa thap u Hunbait Langbang ha ka minit wa 7.
Ki yalehke u pteiñ biang ki mynstep soo tylli kiwa man kamni ha wah:
Iooksi Youth Welfare Vs Pynthor Langtein (11:00 AM)
Youth Welfare Pynthor Langtein Vs Mookymphad Mihmyntdu (12:30 PM)
Umchangiar Vs Myrjai (2:00 PM)
West Madan Mustem Vs Pasyih Cultural (3:30 PM)
Discussion about this post