Olympics: Rem ka Argentina ha ka Morocco ha ka yalehke wa jrong soo kynta

Ka Argentina kawa dang dep jop wot ya ka Copa America da rem ko khlem dapoi pyrkhat da 2-1 ha ka Morocco ha ka yalehke Paris Olympics ha sngi sdang ki yalehke Football ynnin ka sngi heiwa ka yalehke jrong ko 4 kynta.

Ka yalehke da hap wow pynsangeh ka hadien wa thap ka Argentina ya ka kool ha ka minit wa chwa u kut ka yalehke neidaw wa hiar ki paidbah cha madan yow pyrchah ya kani ka kool.

Ya ki kool ka Morocco da thap da u Soufiane Rahimi kawa nyngkong da thap u ha ka minit wa 45+2 wei da pynbood u sa kawi lyngba ka Penalty. U Giovanni Simeone da su kylliang u ya ka Argentina wei kawa ar won da thap ha minit wa 19 i por pyntam (Added Time).

Mar ya jia ini, ki paidbah da hiar ki cha madan deiwa rah lang wa ki klong deilang wa kiwi ki tiar deiwa kawang ya kini ha kiwa yalehke ka Argentina hadooh wa hap wow pynsangeh ya ka yalehke.

Related posts

Super Division Saipung: Jop ka Lamyrsiang

November 22, 2024

Santosh Trophy 2024-25: Jop ka Meghalaya sa ya ka Nagaland

November 22, 2024

Hadien wym em de ki paidbah wa paitke, da phah biang wow wan kiwa yalehke hadien ar kynta neidaw wym em pynkut ya ka yalehke wei mar ya sdang ka yalehke u Referee da pait u deiwi (Replay) yeiwa thap ya ka kool heiwa da rai toh wa Offside uwa yalehke ka Argentina wei da pyndam noh ya kani ka kool.

Kamtæ da pynkut syndon ya ka yalehke wei da yoh ka Morocco yei jop da 2-1.