Beiñ u Conrad ya ka tamasa wai ya ka Paris Olympics wa ktah ko yei sñiaw niam

Ka tamasa wow wai pyrda ya ka Paris Olympics 2024 da pyn chbot khlieh ko ya kiwa boon wei em leh kiwa da khyrngiat wow yoo yei rukom chaad rukom riam heiwa da em da ki chynrang wa riam kam ki kynthai (Drag Queen) wei da ktah dooh ya ki Christan hadien wa da ong ki wa da yoobeiñ ya u Jisu deilang wa kiwa bood ya oo neibhah da lehkyndeh ki ya ka “Last Supper” iwa man i dur wa dro da u Leonardo da Vinci iwa man chaphang i chong baam ja khadooh u Jisu wa ki 12 ngut ki Apostle u chwa wow chah sah narphna u.

Kiwa boon hawa yoo yeini da ong ki toh pynyoo ki ya ka “Last Supper” heiwa uwa rwai wa tip kam u Philipper Katerine da biah ya oo dei rong na khlieh ha tre yow man u kam u Dionysus, u Blai ki Greek katwa hadien u da em ki bru wa yieñ wa sariem bha wa i dur “Last Supper” heiwa da emlang ki Drag Queen deilang wa kawi ka khynnah.

Heiyatoh wa ini, neiliang u Montri Rangbah ka jylla, u Conrad Sangma da beiñ u yeini deiwa ong ini wa leh da ktah ko yei sñiaw yong niam.

Ka Kangana Ranaut kawa man kam ka MP wa thymme leh da beiñ ko yeini i jooh deiwa ong da leh kyndeh ki ya ka “Last Supper”.

Related posts

Waroh chimiet neh kiwa chongdai madan ha Khyndailad yow pyrchah yei chah kyrriah

November 24, 2024

Im biang u bru chwa u thang uwa da pynbna ki Doctor kam uwa da yap

November 23, 2024

Ha kani kani ka sngi wai da wan wow rwai leh da ka Lady Gaga, ka Celine Dion hadooh ki Gojira kiwa man kiwa tem sur Heavy Metal wei da pynrwai leh da ka Marie Antoinette kawa man ka syiem ka France kawa chah khrai khlieh heiwa da rwai ko leh deiwa ksoh yei khlieh ko ha kti.

Kiwa em cha baar ka France da rap kulmar ki ya ini waroh neidaw wa da jied wow pynyoo yei long i man ka ri deiwa kduplang ya waroh khlem da kyntait hanla kattæ leh hapoh France em hi ki wym yoosuk yeini katwa u President ka France won da yaroh ya tamasa wai ya ka Olympics.