Khlaad 3 ngut kiwa lai Coaching IAS nei chlai um ka Coaching Centre

Le ngut kiwa dang lai Coaching yow yaleh IAS da dooh ki yei mynsien hadien wa chlai um ka mala wa chapoh khyndaw (Basement) ka Rau’s IAS Study Circle Coaching Centre hadien wa chlai um ha Old Rajender Nagar, Delhi ynnin ka sngi.

I Video wa riñ cha lait kani ka thaw da yoo yei chlai um u sarok hadooh wa da tymmoh ya ka chaka kari wa lai neitæ ki thuk-thuk wa pynyieñ ha rood sarok leh da chah tymmoh ki ha ka um heiwa ya kani ka Basement da pynemkaam ka kam ka Library iwa man pyrchah ya ki kyndon aiñ chna yung.

Ka um wa psiah cha kani ka yung dang joor ko deiwa lai ki kari kiwa ngiat ya ka um cha rood kawa da psiah won chapoh kani ka Basement heiwa ka um da tymmoh ko hadooh phra phut ya kani ka thaw wa em kini kiwa lai puræ.

Kini kiwa khlaad toh ar ngut ki kynthai wa uwi u chynrang wei da chem yei metyap ki hadien 7 kynta wa thooh ya ki.

Related posts

Chah ieh iwi i khonboo hapoh ka Cradle Point

November 23, 2024

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

Neiliang ki pulit da pyntip ki wa kini kiwa khlaad toh ka Shreya Yadav (25 snem) kawa na Ambedkar Nagar, Uttar Pradesh, ka Tanya Soni (25 snem) kawa na Telangana wa u Navin Dalwin (28 snem) uwa na Ernakulam, Kerala.

Ki pulit da kem ki leh ya u tre kani ka Coaching Centre uwa tip kam u Abhishek Gupta wei da kem leh sa uwi uwa tip kam u Deshpal Singh kiwa da phah kset 14 sngi.

Ha ini wa jia da em 30 ngut hapoh kani ka Coaching Centre heiwa 27 ngut da yoh laad ki wow yut.