Ka kynthai wa dang 21 snem kawa na Assam kawa tip kam ka Sneha Nath Choudhary da chah tynyap ko deiwa chah dung iwa da suba wa da leh da u chan hi ko uwa tip kam u Dev Raj Karmakar (24 snem) iwa da jia ha Dwarka, Delhi.
Kani ka kynthai toh kawa na Cachar District wei katkam ki sabut da kdaw wa da tynyap ka da u chan ko iwa da jia ha ka 27 tarik uni u bnai.
Ki pulit ka Delhi hawa poi ha i yung wai wa sah kini ki ar ngut da chem wa sa du i snaam heiwa da em i kha chah ah chah dung ha i doh i pran kam ha u rdang wa ki kti ka Sneha katwa ya u chan ko da chem wa chong u hakhmat ka Gate wow psiah cha i yung wa sah ki deiwa em kha chah ah ha kti u.
Kini ki ar ngut da yachem nyngkong ki ha u snem 2021 ha Silchar wei da wan ki cha Delhi heiwa ka Sneha da sdang ko wow kreh kam ka Gym Trainer ha Any Time Gym wa em ha Sector 23, Dwarka katwa u Dev Raj won da kreh u kam u Delivery Boy ha Blinkit.
Hadien kattu katni snem da liwan biang ki cha Silchar tangwa ha u Naisan uni u snem da lai biang ki cha Delhi wei da sdang ki wow imlang ha iwi i yung wai ha Pochanpur, Delhi.
Ha miet wa jia ini, da yamai ki neidaw wa suba u Dev Raj wa ka Sneha da em bru ko da u iwi wei da sai tari u heiwa da dung u ka wei da takha lang u ha ini wa jia.
Discussion about this post