Cheiwon wiar ki 16 tylli ki kreh ki wym em khut hadooh katni ha Ayush Hospital Rymbai

Ka KSU-EJHDU ha ka 30 tarik uni u bnai da lai ko wow paan pynche na u DC uwa man leh u Chairman ka District Ayush Society hajrong i wym khut kreh ya ki 16 tylli ki kaam wa dang sah kiwa da toh u thung ha ka 10 Bedded Ayush Hospital Rymbai.

Yeini da leh hadien wa ujor ki khynroo khyllood wa yaleh kreh kiwa da ong wa da kset ya kini ki kreh wa lait heiwa da pynbna kreh 24 tylli na ki 40 tylli iwa mut wa 16 tylli won ym em wei yeini waroh da chem lyngba ka RTI.

Hachwa ini ha 6 tarik u Wisu (Mar) uni u snem, ka seiñ dadep ko wow lai yachem wa u DC warim yow paan pynche tangwa ym em yoh dei jubab wa che.

Ha ka RTI wa da yoh jubab na u Director ka Ayush ka sorkar Meghalaya ha ka 05-02-24, da phah ya u Chairman ka District Ayush Society wa toh u khut kreh nadooh Grade 1 hadooh Grade 4 wei ini da pynsuba wei pynpyrkhat ya ka seiñ wa ye u man wa em i thmu wow thap kreh sop sop.

Related posts

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

I sñiawngooh na ka manyung wa maad yei sñiawsih cha waroh kiwa da wan e yarap  

November 23, 2024

Kamtæ ka seiñ ynnin ka 30 tarik hadien wa da yoo wa da khut wow pynman ya kani ka Exam ha kini ki sngi, da lai dawa ko na u DC wow pynche paidbah næ wow e dei thoh cha ka seiñ cheiwon wiar ki 16 tylli ki kreh ki wym pu em pynbna hadooh katni.

Neiliang u DC da pdiang u wa toh u pynche ha kawon ka rukom wei kammon da khut kreh ya waroh ki kreh wa lait wei daw yaklam u wa ka Employment Exchange ka District wei daw pynmih hadien yei pynche hajrong ka phang thung kreh ha Ayush Hospital Rymbai.

Ka seiñ da ong ko wa kwah ko wa i thung kreh toh u man ko deiwa khooid wei lada ym ye u pynche, daw e ha ki paidbah yow bichaar.