Yoh kem ki pulit ka East Jaiñtia ya uwa khayi drugs wa wan da ka Bus ka MTC

Ki pulit ka East Jaiñtia Hills ynne deiwa tip tikna wa uwi u bru wa khayi drugs uwa tip kam u Abul Kashim Md Abbas daw wan u da kawi ka Night Super Bus, kamtæ da pynman yei pynsangeh kari hei yahkhmat u Bidhan Bhattacharjee, MPS Dy.SP (Crime) Khliehriat ha Umtyra.

Hawa pynsangeh ya ka Bus ka Meghalaya Transport Corporation (MTC) wa em Number ML-03-0228 da chem ya uni u bru napoh kani ka Bus uwa da kit lang ya ar tylli ki muna heiwa hapoh kawi da chem 25 tylli ki khieh sabon.

Deiwa bood ya ki kyndon ka NDPS Act da kynreh ya uni u bru deiwa emlang ki bru paidbah kam kiwa sakhi heiwa da chem wa hapoh kini ki khieh sabon da em i lakhit (Powder) rong stem wei manda Test yeini deiwa sakhi ki bru paidbah da pyntikna toh i Heroin.

Related posts

Mynjur ka sorkar wow thied thaw wow e salan cha ki chipai yow pynheh ya ka Airport wa ki lyngkha neibynta ka New Shillong

November 26, 2025

Khut ka KJP Synod Mihngi Hr. Sec. School Jowai ya ki khynnah skur warim cha ka Fund Raising cum Sale of Work & Variety Programme

November 26, 2025

Manda thaw khia da chem toh iwa khia 290 gms wei da kit ya uni u bru cha Khliehriat Police Station yow pynman ya ka takit wei yow chemdien ya kiwi de kiwa emkti ha ini i kaam.

Uni uwa chah kem, u Abul Kashim Md Abbas toh uwa na Patharkhandi District, Karimnganj, Assam.