U Montri Rangbah ka Assam, u Himanta Biswa Sarma hawa kylli yei long i man hapyrdi ka Assam wa Meghalaya heiwa ha kini ki sngi da mih boon i ood i naam khamtam kiwa na Assam kiwa psiah cha Meghalaya, da ong u boon ki por wa bha u suki bar yow ong iyi iyi.
Da ong u wa da yaklam u wa u Montri Rangbah ka Meghalaya wei da yaleh wow lait u pynheh yeiwa dadep jia yow man biang kam nachwa.
Da ong u leh wa lada ong iyi iyi kattæ daw chem chitom kiwa na Assam wei em ki por wa bha u suki neibhah boon kiwa na Assam kiwa lai cha Silchar deiwa psiah na Meghalaya, kamtæ da ong u wa lada boon ktien chi boon ktien daw pynsih chooh chooh yei long i man.
Hawa kylli chooh chooh kiwa thoh khubor, da ong u wym toh u pynbor ya oo wow klam u neibhah iwon iwon wa ong u ye i wow wanrah yei sñiawthooh bakla iwa daw ktah hadooh yei mynsien ki bru kiwa na Assam kiwa lai luti na Meghalaya.
Na ini i daw da ong u wa emkaam wow syndong u neibhah oo ymtoh u seiñbhalang, oo toh u Montri Rangbah ka jylla, wei ymtoh u klam u hawa ym emkaam u klam wei u klam hawa emkaam deiwa pynrap wa kreh u deiwa khlem klam da boon jait yow wanrah yei suk.
Discussion about this post