Hadien ar bnai wa wan ka Cyclone Remal dang em ki yung wa chah ktah ki wym pu em yoh poisa yarap

Ka FKJGP-Khliehriat Circle ynne ka sngi da lai booh ujor ko ha u Deputy Commissioner ka East Jaiñtia hajrong i slem ki paidbah wa chah kthah wow yoh ya ka bai lutsan namo ka Compensation khamtam kiwa chah ktah ha ki bor ka ram-aw heiwa u DC da kular u wow pynlait smat ya ka poisa heiwa da phah u leh ya ka chnat wa pait yeini wow leh smat ko yei kaam. 

Ka seiñ da ong ko wa ha u bnai wa poi ka Cyclone Remal kawi ka manbei na ka chnong Ladrymbai Dongwah da ujor ko cha ka seiñ hajrong i chah khyndang i yung ko wei da lai pyntip cha u BDO ka Wapung C&RD Block wa cha u District Disaster Management Officer heiwa da e buit wow lai e da ka FIR ha ki pulit ka Ladrymbai tangwa hadien ar bnai leh ym pu em yoh ya ka poisa yarap hanla dadep leh ya waroh iwa emkaam.

Kamtæ da ong wa ini i pynslem da pyndooh mynsien ko ya ki paidbah deiwa kyllaiñ ki bor sorkar hanla ka poisa da em kawa dadep booh kamwa Rs. 19 klur.

Related posts

Booh FIR ka chnong Lakadong Ummat pyrchah ya u Secretary wa u Waheh Chnong ka Lama deilang wa palat 20 ngut kiwi

March 8, 2026

164 ngut kiwa yoh Work Order yow chna yung hapoh ka Scheme PMAY ha Jowai

March 8, 2026