Sa 206 ngut kiwa dang wiar wa 215 kiwa yap ha Wayanad 

U Montri Rangbah ka Kerala, u Pinarayi Vijayan ynne da ong u wa da poi ha u pood wa khaddooh heiyatoh wa i thooh wei wow pynlait ya kiwa chah ktah ha i oor khyndaw ha Wayanad wei dang em sa 206 ngut kiwa dang wiar.

Hawa klam wa kiwa pathai khubor ynne da ong u wa man iwa chem chitom wow tipmit ya kiwa da khlaad wa ki bynta i doh i pran wa da chem na ka wah Chaliyar.

Da pyntip u wa hadooh ynne da chem 215 tylli ki metyap heiwa 87 ngut toh ki kynthai, 98 ngut ki chynrang wa 30 ngut ki khynnah deiwa pynrap wa da e kti leh ya 148 tylli ki metyap cha kiwa ha-yung.

Chooh chooh da pyntip u wa em 206 ngut kiwa dang wiar wei ki 81 ngut kiwa mynsoo kiwa dang em hapyrdi i chah sumaar.

Related posts

I sñiawngooh na ka manyung wa maad yei sñiawsih cha waroh kiwa da wan e yarap  

November 23, 2024

Pyrchah ka Raij Namdong wa Elaka Nongjngi yei kwah ka chnong Thadmynri wow psiah cha ka Elaka Nartiang

November 23, 2024

U Vijayan da pyntip u leh wa em 67 tylli ki metyap kiwa ympu tipmit wei ya ka niam wa rukom wa khaddooh daw pyndep da ki Panchayat.

Heijooh i por da ong u wa u Montri i puræ puthi daw lai pait u ya ki skur wa da chah ktah ha ka thaaiñ wei ka chnat daw leh ko yeiwa emkaam khnang wa ym thut i puræ ki khynnah.