Ka FC Goa (FCG) da jop ko ya ka Rangdajied United FC (RUFC) ha ka yalehke wa ya ryngkat bor heiwa da yoh u thap 7 tylli ki kool ha ka 133rd Durand Cup, heiwa ka Goa da jop ko da 4-3 ha ka yalehke Group F kawa da pynman ha Jawaharlal Nehru Stadium, Shillong ynne.
U Leander D’Cunha, u Devendra Murgaokar, u Abawiha wa u Vellington da thap kool ki ya ka Goa katwa ya ka Rangdajied da thap u Pajuh, u Pynbha wa u Apbor. Ka Rangdajied da yoh ko wow chimbynta ha kani ka Durand Cup hadien wa ka Hyderabad da kynran dien ko.
Ka FC Goa da pynyaleh ke ko da kiwa jooh pynchong ko.
Ka yalehke da pynman ka hapyrdi u slap wa joor heiwa ka Rangdajied da yoh ko wow thap nyngkong ha ka minit wa 19 kawa da thap da u Pajuh deiwa chut na jngai bha.
Ka Goa da ye ko wow su kylliang lyngba u Devendra tangwa ka Rangdajied da su kylliang ko hadien ar minit lyngba u Pynbha.
Ka Goa da pyntam ko da Penalty neidaw wa Handball uwa yalehke ka Rangdajied heiwa da wan u Abawiha wow thap ya ka kool. Ka RUFC da ye biang ko wow su kylliang lyngba u Apbor.
Ka Goa da yoh ko yei jop da ka kool wa da thap da u Vellington chwa u kut ka yalehke.
Discussion about this post