Khut ka JHADC ya ki Seiñ Kur wow pynpoi yei pyrtuid ki kur, ki waheh kur hapoh ar bnai

Kam chibynta i lai luti ka Jaiñtia Hills Autonomous District Council (JHADC) heiyatoh wow tipmit noh da ka aiñ ya ki jait kur waphær waphær wa haap hapoh u pood u ang yong ka, iwa man leh i thrang i angnood wa da kyrpaad da kiwa yahkhmat ka Dorbar Ki Waheh Kur Ri Jaiñtia, ynne ka sngi ka JHADC da pynbna paidbah ko wa waroh ki Seiñ Kur toh u wan pynpsiah noh ki yei pyrtuid ka Seiñ Kur yong ki, kiwa yahkhmat ka Seiñ Kur, kamjooh leh wow phah yei pyrtuid ki kur wa kynthup hapoh ka Seiñ Kur yong ki.

Yeini da e por wow leh hapoh ar bnai nadooh ynne ka sngi wa pynmih yei pynbna paidbah.

Heiyatoh wa ini neiliang u Finelyness Bareh, EM wa pait yong ka chnat Political ong u wa neiliang ka EC leh da chimkhia ko yeini deiwa pyrchang katwa ye wa lah.

Kamtæ ha ka Executive Committee wa da man ki ha ka 2 tarik uni u bnai da chim ki ka rai u tipmit noh ya ki jait kur wa em hapoh Ri-loom Jaiñtia khnang yow suk i krehkaam hapoh District Council kamjooh ki bor District neibynta wow e Schedule Tribe cha kiwa toh hok u yoh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kyntu haroh u ya kiwa yahkhmat Seiñ Kur wym hoi u jhan u s’ya ki neibhah chwa wow pynman aiñ emkaam ya ki Seiñ Kur u wan pynpoi ki yei pyrtuid ka Seiñ Kur yong ki, ki pyrtuid kiwa yahkhmat ka Seiñ Kur, yei pyrtuid ki Kur wa kynthup hapoh ka Seiñ Kur, hadien neitæ yow yoh yachem yaklam ya phyllu wa ki, kamjooh leh ka Executive Committee daw chong bichaar ko ya ki Kur wa wan e pyrtuid.

Heijooh i por kyntu u ya ki Kur wym pu em Seiñ Kur wow chna noh ki wei wow wan e pyrtuid.

Chooh chooh u Finelyness Bareh ong u wa hadien wa da dep tipmit ya ki Kur, ka JHADC daw phah pyntip leh cha ki chnat sorkar khnang yow suk i krehkaam ki khamtam hei wow e Schedule Tribe Certificate.