Ini toh i pyntip wa sñiawsih cha phi ki kur ki jait, ki kha ki man, ki lok ki jor wa da khlaad syndet u Pynbiang Rabon ynne i step uwa chong wa sah ha Ladthadlaboh, Jowai heijooh i por leh man u kam u Publicity Secretary ka JNC Western Zone.
Neiliang ka seiñ Jaiñtia National Council Western Zone dap ko dei sñiawsih iwa khroo heiyatoh wa i khlaad syndet u dkhot yong ka seiñ du kamtu donhi, tangwa ini toh du u Blai Kynrad hi wa tip yeini.
Ka seiñ da ong ko wa i khlaad wa syndet yong oo man ko i dooh nong wa khroo ya kiwa ha yung ha sem, ya ka seiñ JNC kamjooh ya ka jaitbru hi waroh kawi. Uni u dkhot man u uwi na ki dkhot wa kreh chitrhem ha ki kaam yong ka seiñ neibynta wow kynrong ya ka jaitbru yong i chakhmat.
Kamtæ ka seiñ ym yoh kyntien de ko wow ong deiwi tawon yei kaam wa bha yong u Pynbiang, sah sa du i kymmoo donhi, kamwa da lai u chakhmat u Blai Kynrad, u kyrkhu u leh ya ka seiñ yow yoh ko u nang ye chooh chooh u chakri deiwa bha ya ki paidbah kamjooh leh u kyrkhu u ya ka yung ka sem.
Ka seiñ da phah ko leh ya ka khubor sñiawlem cha kiwa ha yung ha sem wa ki lok ki jor wow yoh ki yei pyntngen na u Blai wow syrpood syrpai yei sñiawsih joor yong ki khamtam kam ka yung ka sem.
Ya ka niam ka rukom wa khaddooh u pyndep ha ka 09-08-24 ha u loom tlep-bru ka Balang Catholic Jowai heipor 1:30 i sngi.
Discussion about this post