Jowai : Ka Dorbar Niam yong ka Raij Jowai kamwa da leh ha ki bnai wa ki snem wa da dep da pynman ko ya ka yachem lang yong ka Kchu ka Siang ynnin ka 25 tarik wa ka Dorbar ki kñi ha Yung Langdoh, Loomiongkjam, Jowai.
Ya ka Dorbar ynnin da lamkhmat da u ma P. Kynjing wei ya ki kyntien pdiang burom da ka Kongka Siangbood ka wa man leh ka Langdoh ka a Raij Jowai wei da emlang ki Phra Kur Phra Kmai.
Kani ka yachem ka Kchu ki Siang næ ki manbei kiwa pyndep ya ka niam ka rukom ha jar jiar ki yung ki sem wei hachwa wow sdang ka yachem da yoh yei ngooh i dem na ka Rikdup Thma wa ki kyntien na u O.R. Challam, u President ka Seinraij Jwai.
U O.R. Challam u President yong ka Seinraij Jowai da ong u wa ka Kchu ka Siang da man ki wa embhah heiwa da yoh u ku ha ka tyngkong yong ka Langdoh ka Ri-Blai.
Ha kani ka yalang da yoh leh yei klam na ka Phidaka Kynjing, ka Wa-i-sa Sumer.
Ynne won ka sngi da pynman ya ka Dorbar ki Kñi heiwa da yoh yei kyntien pdiang burom na u Samboon Siangbood u wa man leh u Langdoh ka Raij wei ki kyntien pdiangburom na u Raymond Nartiang u wa man u Pator ka Elaka Jowai.
Ha kani ka sngi da yoh leh yei klam na u Arwotki Sumer, General Secretary Seinraij Jowai wa kiwi kiwi kiwa da pachat yumut hei yatoh wa kammon u kyntu kynrong ya ka niam ka rukom.
Discussion about this post