Lyngba u Bluetooth Headphone chemdien ki pulit ya uwa tynyap wei slaitbor ya ka Doctor

Ki pulit ka Kolkata da yoh ki wow kem ya uwi u bru uwa slaitbor wei tynyap ya kawi ka Doctor kawa dang pyndep ya ka Training ha kawi ka Hospital sorkar wa em ha kani ka nongbah ka West Bengal kawa tip kam ka RG Kar Medical College & Hospital.

Ka Post-Mortem wa da pyndep pynyoo ko wa kani ka Doctor da chah slaitbor ko chwa wow chah tynyap ko wei da mih snaam ko na ki bynta ki pyllung khmat, i ktien, ki tyrsim wei da em kha ko ha i bynta u kpoh, i kjat, rdang, ka kti timun, ka pariam kti wa i snieh ktien. U rdang ko leh toh uwa da kheiñ.

Kani ka Doctor toh kawa lai Post-Graduate wei da em ko ha u snem wa ar i puræ hapoh ka Department of Chest Medicine wei yei metyap ko da chem hei step ka 9 tarik heiwa neiliang ka Indian Medical Association (IMA) da maham ki wow pynman yei yakhih ha waroh kawi ka ri lada ym leh iyi iyi.

Katkam wa pyntip da kiwa emlang wa kani ka Doctor, da ya baam ja miet ko deilang wa kiwi ki Doctor heipor kamwa 2:00 waje i step hapoh Hospital dep te lai ko cha ka Seminar Room yow chong ngiah wei yei metyap ko da chem ha ini i thaw heipor step.

Related posts

Deiwa chrai ya ka kurim noh chynnam uwa yah ya ka kari chapoh lyngkha

November 24, 2024

Pynskem ka WJSU ya ka Satpator Sub Circle ka wow pait ya 5 tylli ki chnong

November 24, 2024

Ki pulit hawa takit yeini i thaw wa jia da chem ki ya u Bluetooth Headphone wa ieh da u bru uwa tip kam u Sanjoy Roy uwa leh ya ini i kaam wei lyngba uni u Bluetooth da chemdien ya oo wei ka CCTV leh da pynyoo ko wa em u ha ini i thaw heipor wa jia ini heiwa heipor wa psiah u deiñ u ya uni u Bluetooh katwa heipor wa mih u ym em de.

Ya uni u bru da phah kset oo ha kti ki pulit 14 sngi wei da chah pynngat u hapoh ki kyndon slaitbor wei pynyap bru.