Iwi i yung wa em ha chnong Huroi, East Jaiñtia Hills da oor khyndaw i bynta wa chahdien ini i yung iwa da jia hei step ka 12 tarik heipor kamwa 7:30 tangwa da embhah wym em iyi iyi i jia wa sñiawsih.
Ini i yung toh i yong u Ham Lamurong iwa da sahlang u wa ka kurim u deilang wa 6 ngut ki khon wei kamwa man kattæ ym em de man chngaaiñ u sah neibhah i oor khyndaw da ieh i yeini i yung ha kyndian.
Neiliang ka Dorbar Chnong Huroi da e yarap ko ya ki wow booh ya ki tiar ki taar yong ki ha ka yung skur Primary ka chnong wei da lai sah noh kani ka manyung cha kawi won ka yung.
Neiliang u Waheh Chnong, u Golden Marbaniang da kyntu u ya ka sorkar wow e yarap cha kani ka yung neibhah kani ka chnong toh kawa da maad boon sien yei chlai um wei oor khyndaw tangwa hadooh katni leh ym pu em yoh yarap ki.
Da pynkynmoo u leh ya kitu kiwa da maad chitom nadooh ynnin u snem heiwa ar tylli ki yung kiwa da oor khyndaw wa sariem kamni hi tangwa hadooh kattæ leh ym pu em yoh yarap ki.
Kamtæ da kyntu ya ki bor sorkar wow leh smat ki yow e yarap.
Puræ leh: Paan yarap ki ar yung ka chnong Huroi hadien wa joor ka oor khyndaw
Discussion about this post