3rd Division: Jop ka Kseh Sylle, Lum Sliarsliar wa Nonglatem

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Ar-phaw deiwa pynman soo tylli ki ka yalehke.

Ka yalehke wa nyngkong da kut ko da 1-1 hapyrdi ka Mookyrdup wa Moodymmai heiwa ya ka Mookyrdup da thap da u Dennis Passah ha ka minit wa 70+2 katwa ya ka Moodymmai da thap da u Enrique Pariat ha ka minit wa 23.

Ha ka yalehke wa ar, ka Kseh Sylle Ialong da jop ko ya ka Pynthorlangteiñ da 2-0 da ki kool wa thap u Wanbait Suchiang ha ka minit wa 34 wa u Aibormi Phawa ha ka minit wa 54.

Ha ka yalehke wa le, ka Lum Sliarsliar da jop ko ya ka Loomiongkjam da 3-0 da ki kool wa thap u Mainderful Ryngkhlem ha ka minit wa 30 wa 33 wa u Bait Dkhar ha ka minit wa 42.

Related posts

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Jop ka Tyrshang wa Dongmihsngi ha ka 1st Division ka TSA

October 11, 2025

Ha ka yalehke wa soo, ka SC SC Nonglatem da jop ko ya ka Umchangiar da 3-0 da ki kool wa thap u Pyndaplangki Mulieh ha ka minit wa 39 wa u Healthies Lamare ha ka minit wa 42 wa 70+3.

Ki yalehke wa bood u pynman ha ka 16 tarik kiwa man kamni:

Pasyih Cultural Vs Pateinki Sabah (10:00 AM)

Katholik Youth Mihmyntdu Vs Khliehshnong Ialong (11:30 AM0

Nangbah Pohshnong Vs Da-I-Hi Mynsngat (1:00 PM)

Lumchyrmang Mihmyntdu Vs Chyrmang Wah (2:30 PM)