Uwi uwa kreh ha ka yung krehkaam ka North Eastern Council (NEC), Shillong da chah kem u ynnin i janmiet hadien wa leh khlemakor u ya ka para wakreh kawa 21 snem i rta.
Uni u bru toh uwa kreh kam u Cashier wei kani ka kynthai toh kawa kreh chipor (Contractual) hapoh yong oo.
Katkam ka khubor wa da yoh, uni u bru da khut u ya kani ka kynthai wow lai lang chirup wa oo cha Bank neibhah ka toh u yarap kreh ko ya oo. Hadien ini da pynbor u ka wow lai cha thaw sah u (Quarter) deiwa kam wa mylliñ u ya u Tiffin.
Manda poi ha Quarter heipor kamwa 1:30 i sngi da leh khlemakor u ya kani ka kynthai.
Neiliang ka kynthai da lai ujor ko ha Laitumkhrah Police Station, wei da kem noh ya uni u bru ha i janmiet wei i takit dang lai i chaphrang.
Discussion about this post