Ka 7th U Debo Shullai Memorial Trophy kawa man leh ka 2nd Division Football Tournament 2024 wa pynman da ka West Jaiñtia District Sports Association (WJDSA) dapoi ko cha ka sngi wa ar ynne deiwa pynman ar tylli ki yalehke.
Ka yalehke wa nyngkong da kut ko da 3-3 hapyrdi ka Mukhla Umlangshor waka Nangbah Sports Association (NSA).
Ya ka Mukhla Umlangshor da thap kool da u Khel Sumer ha ka minit wa 15, u Samuel Shylla ha ka minit wa 61 wa u Ryngkatlang Sumer ha ka minit wa 81 katwa ya ka NSA da thap da u Teibha Lyngdoh ha ka minit wa 26, u Jubab Pohleng ha ka minit wa 29 wa u Phidalin Dkhar ha ka minit wa 73.
Ha ka yalehke wa ar, ka Chilliangraij da jop ko ya ka Maitchaphrang Mowtyrchiah da 1-0 da ka kool wa thap u Hamewan Rngad ha ka minit wa 5.
Ki yalehke wa bood u pynman ha ka 28 tarik heiwa ka Shangpung Moosyiem u yachem ko waka Panaliar heipor 12:00 waje pyrdi sngi wei daw pynbood da ka Lumpariat waka Lion Sports & Youth Affairs heipor 2:00 waje.
Discussion about this post