Daw pyndooh noh ya u Ronnie Lyngdoh kam u LO lada ym hiar chuki u: Speaker

U Speaker ka Meghalaya Legislative Assembly, u Thomas A. Sangma ynne da pynbna u wa wow pynmih u ya ka hukum wow pyndooh ya u Ronnie V. Lyngdoh lada ym hiar chuki u kam u heh ka Liang pyrchah namo u Leader of the Opposition (LO).

U Sangma da pynche u wa ka chuki LO da dooh ya ka neidaw wa da duna MLA ware ka Congress.

Ini toh hadien wa le ngut ki MLA ka Congress da yut seiñ ki cha ka National People’s Party (NPP) heiwa u Ronnie Lyngdoh da man u samen kam u MLA ka Congress.

Heiyatoh wa i chah beh wa chipor (Suspend) ki MLA ka Congress kiwa psiah cha ka NPP, u Speaker da pynche u wa ymtip chwa u yeini wa chah beh seiñ ki wei ym em pyntip ka Congress heiyatoh wa ini. 

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Da pyntikna u leh wa i yut seiñ ki le ngut ki MLA ka Congress cha ka NPP toh deiwa bood ya ka Tenth Schedule yong ka riti synchaar ka ri kawa yatoh wa i yut seiñ.