Tynyap ki chi kurim ya uwa sariem dur wa u kurim yow lai kaam ya ka poisa Insurance

Uwi u bru wa tip kam u Muniswamy Gowda uwa na Karnataka da chah kem u hadien wa tynyap u ya uwi u bru wa sariem dur kam oo yow yoh u lai kam ya ka Insurance heiwa yeini da yarap ka kurim u kawa tip kam ka Shilparani kawa dang thooh ki pulit ka hadooh kattæ.

Najrong u Muniswamy Gowda, da kem leh ya uwi uwa yah Truck uwa tip kam u Devendra Nayaka deiwa suba wa emkti u wow tynyap bru.

Iwa leh kini da man ko thij kam ha ki phlim heiwa ka Shilparani ha ka 13 tarik uni u bnai da kam ko ya iwi i metyap kam u kurim ko deiwa ong wa yap u deiwa chah tyrrah heipor wa kylliang chaka kari u ha rood sarok ha Gollarahalli.

Ka Shilparani da lai ko chakhmat wow thang ya uni u bru wei ki bru leh da ngait ki wa toh u kurim ko neidaw wa sariem dur ki wei hadien ini da lai kam ko ya ka Insurance.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Katkam wa chem i takit ki pulit, kini ki chi kurim toh kiwa sah ha Hosokote, Bengaluru wei da sooh buit ki wow leh yeini neidaw wa chitom poisa wei u Gowda em u boon tylli ki Life Insurance Policy kiwa da booh hei pyrtuid ka kurim u kam ka Nominee ka wow yoh ya ka poisa.

Kini ki chi kurim da jied ki da uwi uwa khrong deiwa pynbiej ya oo wow lai luti wa ki wei manda poi ha iwi i thaw da e daw ki wa lait la’ær ka chaka kari ki heiwa da sangeh wei da hiar ki cha lait yow kylliang chaka wei heini i por u Gowda da khungiat u ya uni uwa khrong ha tre chaka ka Truck wa yah da u Nayaka yow yoo kamwa chah tyrrah u heiwa da tyrrah leh ya ka kari ki yow yoo kamwa jia sakhiat.

U Gowda da leh u ya iwi i bakla heiwa da lai yachem u wa uwa emyatoh u hadien wa da pyndep ya ka niam ka rukom wa da yap noh u, heiwa uni uwa emyatoh u uwa tip kam u Srinivas uwa man leh kam u Inspector ha Sidlaghatta Police Station ha Chikkaballapura, da khyrngiat u wow yoo wa dang im u neibhah oo leh lai thang hi u oo.

U Gowda da lai yachem u wa u Srinivas yow paan yarap neidaw wa khuslai u boi wym lai bait ini wa da leh u tangwa ym bien u wow yarap heiwa da leh hok u yei kaam u kam u pulit deiwa khana cha u Inspector ka Gandasi Police kiwa da e kti won ya u Gowda cha ki pulit ka Hassan.

Hawa takit ki pulit ya u Gowda, da khana u wa em u ya kawi ka dukan dai chaka kari tangwa da dooh nong u wei da hap u wow chim ram na kiwa boon ki bru wei ym ye de u wow su, kamtæ da leh u yeini yow lait na ini waroh.

Ki pulit ympu tip ki uyi oo u bru wa chah tynyap wei uwa dadep chah thang.