Ki paidbah ka chnong Jowai ynne da wan ki da ki boon spah ngut ha madan Daimasi, Ladthadlaboh yow lai pait wei wow pynyoo yei kyrchaan ya ka Shillong Lajong FC kawa da yachem wa ka North East United FC ha ka yakhun Semi Final ka 133rd Durand Cup kawa da pynman ha JN Stadium, Shillong.
Neiliang ka Directorate of Sports and Youth Affairs, Meghalaya deiwa ya krehlang waka yung krehkaam u Deputy Commissioner, West Jaiñtia Hills District da pynyieñ ki da ka LED Screen wa heh yow yoh ki paidbah u pait katkam wa jia ka yalehke.
Ki paidbah da wan ki chynrang wa kynthai, waheh wa khynnah cha kani ka thaw pynyoo bol tangwa da hap ki wow liwan deiwa sñiawsih neidaw wa rem ka Lajong da 3-0.
Hanla kattæ leh da man iwa jop hi neidaw wa da yoh u ya paitlang ya ka bol deilang wa ki lok ki jor kamjooh kiwa kiwa maya bol yow pynyoo yei kyrchan ya ka Lajong kawa da yoh u psiah Semi Final hei sien wa nyngkong ha ka Durand Cup.
Discussion about this post