U Symbood Montri Rangbah uwa pait leh ya ka chnat District Council Affairs (DCA), u Prestone Tynsong da ong u wa ka sorkar daw pynbna ko ya ka Election cha ki ar tylli ki District Council hadien wa da dep yoh ya ka muhor na u Lat ya ki Amendment Bill hajrong i pynbait thymme ya ki Constituency yong ka KHADC wa JHADC.
Hawa kylli ynne ka sngi, u Prestone da khana u wa ka chnat DCA da yoh ko ya waroh ar tylli ki Amendment Bill wa da mynjur da ki ar tylli ki Autonomous District Council, wei daw phah noh cha u Lat neibynta wow e u ya ka muhor wei da pyntip wa hadien itæ, ka sorkar daw chong ko yow chim rai hajrong i pynman ya ka Election MDC.
Kam wow kdaw heini wa ka samoi krehkaam ki MDC ka KHADC wa JHADC da pynyinsur da 6 bnai wei daw kut noh ha ka 5 tarik u Naikhynde wow wan wei da leh yeini neidaw wa pynthymme ya ki Constituency.
Tangwa da em leh ki khubor wa ong wa ye u pynyinsur biang sa 6 bnai ya ka samoi krehkaam ki MDC, tangwa yeini ym pu ye wow pyntikna neibhah waroh ar tylli ki ADC dadep ki wow mynjur ya ki Amendment Bill wei u yang sa du ka muhor u Lat ka jylla.
Discussion about this post