Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa lehphaw ynne deiwa pynman sa ar tylli ki yalehke Quarter Final.
Ha ka yalehke wa nyngkong, ka Myrjai da jop ko ya ka Pasyih Cultural da 4-3 hadien wa pynman da ka Extra Time neidaw wa kut ka yalehke da 3-3.
Ya ka Myrjai da yoh Hat-Trick da u Elias Dhar uwa da thap ha ka minit wa 14, 40+2 wa 50 wa u Wanphai Chyrmang ha ka minit wa 94 (Extra Time).
Ya ka Pasyih Cultural da thap da u Devi Rymbai ha ka minit wa 46 wa 58 wa u Miki Rymbai ha ka minit wa 74.
Ha ka yalehke wa ar, ka Mulang Ialong da jop ko ya ka Mookaswan Dongwah da 3-0 da ki kool wa thap u Sharelang Mulieh ha ka minit wa 18, u Kordor Dhar ha ka minit wa 20 wa u Poisuk Dhar ha ka minit wa 28.
Ya ki yalehke Semi Final daw pynman ha ka 3 wa 4 tarik u bnai wow wan.
Kam wow pynkynmoo wa kiwa dadep u psiah Semi Final toh ka Newhill waka Lumpyrtuh Mihmyntdu.
Discussion about this post