Ka chnong Panaliar hei yahkhmat ka Panaliar Tourism & Environmental Development Society, ynne ka 31 tarik da lai pait lai sylli ko yeiwa dadep pynhooid heijooh i por da pynkhooid yeiwa dang sah ki bynta ka Syntu Ksiar waroh kawi, nadooh na laad Wah Langhung.
Hachwa ini da em ka yalang tbian wa pynlai da u Wombai Sumer, President ka PTEDS heiwa da yoh i klam na u General Secretary ka chnong wei da e khublei da u Hawamut Challam, Secretary PTEDS.
Hei klam u General Secretary, u Marryngkat Syngkon, da ong u wa ha kini ki sngi wadep da phah pynkhooid deiwa yah nong, ynne won kat wajoh wajam u ya pynyoo dei pynkhooid kam ki tre yong katai ka thaw.
Da booh u yei kyntu ya waroh ki lok najan najngai kiwa wan uiñke næ lai baamdoh cha ki bynta ka Pynthorwah, khamtam ka Syntu Ksiar wymtoh u pyntaroi ki deiwa noh kat chawa yoh ya ki jakhlia jakhlait. Ong u wa ka chnong hi daw pynchitom ko lada chem ya kiwon kiwon kiwa khwe ha chilynter ka Syntu Ksiar, heijooh i por kiwa noh taroi cha i bynta yong ka. Ong chooh u wa i khooid i pliah, toh i dawai wow pynkhooid ya ka la’ær wa riñ pynhiar mynsien i, to yn lehkhooid i ha waroh chilynter kini ki thaw wa em cha Pynthorwah.
Da e khublei u leh ya u Secretary ka PTEDS ya u Barima Laloo uwa da yah nong wow pynkhooid ya chilynter ka surok, kat wym em Muster Roll wa pynkhooid. E khublei u leh ya waroh ki dkhot wa da ya emlang kamjooh leh ya u waheh chnong wa da ye u wow ya emlang.
Discussion about this post