Ha ka 25 tarik u Naisaphra uni u snem, kawi ka Petrol Pump wa em ha Niangbyrnai, Ri-Bhoi District heipor step synyaaw da chah lute ko ha ki 4 ngut ki bru kiwa da dat leh ya u Manager wa kiwa kreh ha kani ka thaw.
Kini ki bru da lute ki Rs. 4,24,614 wei da chim ki leh ya ki 3 tylli ki Mobile Phone.
Neiliang ki pulit ka Ri-Bhoi hei takit da tipmit ki ya kini kiwa emkti heiwa ynnin ka 1 tarik da lai kem ki ya kini ki soo ngut kiwa le ngut na Dimapur District wa uwi na Tuensang District ka Nagaland.
Hawa takit ya kini, da phla ki leh yeiwa emkti ki wow lute ya kani ka Petrol Pump wei da lai rah ki hakhmat ka yung bichaar yow paan bor yow kset ki san sngi ha kti ki pulit.
Ki pulit da yoh ki leh wow kem ya ka Bolero ki kawa em Number NL07-CB-0156 kawa da pynemkaam ki hawa lute ya ka Petrol Pump.
Kini kiwa chah kem toh u Bokavi Zhimomi (25 snem), u Pashen Lam (32 snem), Rokonngulie Keppu (18 snem) kiwa na Dimapur District katwa uwi dang yang yei pyrtuid u wei dang em u ha luti deiwa lai kit ki pulit ka Ri-Bhoi oo hadien wa kem ya oo da ki pulit ka Tuensang District.
Discussion about this post